Kóžde lěto 20. meje wotměwa so swětowy dźeń pčołkow. Zo by so na tónle wažny dźeń skedźbniło, přeprosy Šěrachowe towarstwo pčołkow z.t. w Budyšinku na pućowanje kołopuća Hadama Bohuchwała Šěracha w Budyšinku. Pjatk, 23.05. přeprosychu potom na zjawne „měd dźěłanje za młodych a starych“ do domu Šěracha.
Mnozy zajimowani připosłuchachu Günterej Sodanej, městopředsydźe Šěrachoweho towarstwa pčołkow z.t., kiž měješe něštožkuli zajimaweho wo pčołkach a nastaću mjedu rozprawjeć.
Bě to wulkotne nazhonjenje dožiwić, kak bu měd z płastow brany, zo by jón potom direktnje woptał. Móžnosć, aktiwnje sobu skutkować - wot wotkryća płastnow přez wjerćenje ćisnjencow hač k wotpjelnjenju mjedu a etiketěrowanju škleńcow - wužichu wosebje dźěći z čiłym zajimom a wulkej zahoritosću. Wězo móžachu zajimowani wopytowarjo tež škleńcu čerstweho Šěrachoweho mjedu kupić.
Šěrachowe towarstwo pčołkow z.t. so jara přez pozitiwnu rezonancu wjeseli a móžeše zhromadnje na wuznam pčołkow skedźbnić. Leži nam jara na wutrobje, wědomje za tute njeparujomne insekty wótřić a na jich wuznam w našim wohroženym ekosystemje skedźbnić.
Heike Khilan, předsydka
Šěrachowe towarstwo pčołkow z.t.
