Šulerki a šulerjo Lipoweje šule z Budyšina su w dokładnym ručnym dźěle 10 ptačich chěžkow za Šěrachowu towaršnosć pčołkow z.t. zhotowili.
Bě wjeselo widźeć, z kajkim angažementom a entuziazmom su boksy natwarili. Su klepali, točili a šrubowali, a nětko móže so 10 ptačich domčkow podłu Šěrachowskeho kołopuća a puća při Albrechtowce nastajić.
Wšitke ptače chěžki noša mjeno swojeho twarca, a budźemy w přichodnym lěće wobkedźbować, kotra ptača swójba so w kotrej ptačej chěžce zadomi.
Wutrobnje dźakujemy so šulerjam kaž tež Günterej Sodanej, kiž je trěbne materialije k dispoziciji stajił a wšěm z dobrej radu a skutkom poboku stał.
