Kurs za pčołarjow – započatkarjow 2025

Šěrachowe pčolace towarstwo z.t. poskićuje za lěto 2025 kurs za pčołarjow- započatkarjow, kotryž zwjazuje teoriju z praksu.

Cyle po tradiciji pčołarskeje šule H. B. Šěracha chcemy pčołarstwo a plahowanje pčołkow po směrnicach pčołkam wotpowědowaceje wučby sposrědkować a nawjazujemy na wučbu Šěracha.

W měsacomaj januar a februar budźemy so wobšěrnje z teoretiskim dźělom pčołarstwa zaběrać a z přechodom do nalětnich přihotow pčołarjenje přiwobroćimy so praktiskemu pčołarstwu.

Teorija:

Raphael Lohse nawjeduje kurs, w teoretiskim dźělu, kaž tež w praktiskim. Wón je hižo wjele lěta powołanski pčołar, ma swójsku pčólnicu w Póckowach a sposrědkuje nam rady swoju pčołarsku wědu. Jeho wobšěrne nazhonjenja, wěda a fachowa kompetenca znaje wotmołwy na kóžde prašenje.

Dóstanjeće mapu z kubłanskimi podłožkami w hódnoće 44,90 €, kotraž je we wudawkach za kurs hižo zapřijata. Tuta mapa přewodźuje was přez cyłe pčolace lěto a je nimo toho dobry radźićel za was.

Teoretiske wukubłanje wotměje so w  domje Šěracha w Budyšinku, hdźež su so hižo wjacore přednoški  wo pčołarstwje wotměli.

Praksa:

Praktiski dźěl kursa  wotměje so w Póckowach, w pčólnicy Lohse. Změjeće swójski kołć a móžeće tak wulkotne wašnje pčołki nazhonić a dožiwić kaž tež trěbne činitosće koło wokoło kołća zeznać a nawuknyć a krok po kroku sej přiswojić wšo za wuspěšne pčołarjenje.

Tak maće najlěpše wuměnjenja za to, być wuspěšny pčołar a hižo w přichodnym lěće budźeće móc swójski měd žnjeć.

Prošu njekupujće hižo do časa pčołarsku potrjebu.

W kursu zeznajeće wšelakore systemy kołćow a změjeće móžnosć, so rozsudźić, kotry system so wam najlěpje hodźi.

Njetrjebaće žane předznajomosće.

Wudawki za kurs wučinja 340,00 € a wobsahuja:

Wukubłansku mapu za 44,90 €, kotraž was přez kurs přewodźa a samo plahowanu pčolacu kralownu w hódnoće 36,00 €

Samo plahowany pčolacy lud w hódnoće 100,00 € jako zakład swójskeho pčołarjenja.

Za 09.11.2024 w 10.00 hodź. planujemy bjezpłatne informaciske zarjadowanje, zo bychmy wotewrjene prašenja rozjimali.

Zwotkel dóstanu prěnje pčołki?

Kotre wuměnjenja dyrbju spjelnić za swójske pčołarjenje?

Kelko časa dyrbju za pčołarjenje nałožować?

Što płaći mje pčołarjenje?

Planowanje terminow a praksy na lěto 2025

Přizjewi so rady přez naš kontakt.

Móžeš so tule za tebi spodobne wobdźělenje rozsudźić:

• wobdźělić so na informaciskim zarjadowanju 09.11.2024
• wobdźělić so na kursu pčołarjenja 2025
• wobdźělić so na woběmaj zarjadowanjomaj

Kurs wotměje so, hdyž so znajmjeńša 5 zajimcow přizjewja.