Kónčina wokoło Keulenberga, Połčnicy a Oberlichtenauwa skića wulku ličbu pućowanskich a kolesowanskich turow za kóždy fitnesowy level. Wosebity highlight tutych wodźenjow je muzej pčołkow w Oberlichtenauwje. Muzej namakaće w luboznje restawrowanym starym tykowanym domje z krasnje hladanej pčołkacej zahrodu, kotraž nic jenož pčołarjow, ale wšitkich wopytowarjow přeprošuje. Zahroda leži direktnje při puću a je kóždy čas přistupna. Informatiwne tafle z wobrazami a wopisanjemi dadźa wšitkim so do fascinowaceho swěta pčołkow zanurić. Hdyž schód při muzeju docpějeće, maće na kóncu schodow pohlad do kołćow a móžeće pilnych pčołkow wobkedźbować – žadyn strach, pleksijowa škleńca dźěli pčołki wot wopytowarjow. Dale horjeka su městna k sedźenju, hdźež móžeš pčołki wobkedźbować, kak do kołćow won a nutř lětaja. Štóž chce so na wjedźenju wobdźělić a do muzeja pohladać, móže so do toho pola Daniela Queißera pod telefonowym čisłom 035955/775797 přizjewić.
