Lubi čłonojo, přećeljo, susodźa kaž tež wulcy a mali!
Zymny počas před durjemi steji, w domje Šěracha pak budźe čim přitulnišo! Smy pisany program za přichodne měsacy zestajeli a wjeselimy so bórze hromadźe z wami pjec, so rozmołwjeć a tradicije hajić.
Přehlad za nazymu a zymu:
september: so posydnyć, předychać & sej lubić dać!
Rjany dar k 302. narodninam Hadama Bohuchwała Šěracha: Smy šrubowali, točili a pilnje podźěłali – ławka na woblubowanym kołopuću Šěracha je ponowjena a so zaso błyšći!
Dypkownje k čestnemu dnjej našeho Hadama Bohuchwała Šěracha, 05.09.2026, je ławka za was hotowa. Wotnětka přeprošuje wuchodźowarjow, pućowarjow a lubowarjow přirody na přijomny wotpočink w zelenym.
Dźiće po kołopuću a posydńće so – wjeselimy so na was!
Oktober: słódke wjeselo při pječenju za wšě generacije
Witamy nazymski čas z čerstwje wonjacym mjedowym pječwom! Zhromadnje chcemy słódne poprjancy pjec. Zdobom ma to być zhromadny čas młódšich a staršich, w kotrymž sej chłóšćenki napječemy.
- Wšitke přidawki změjemy spřihotowane – přinjesće prosće dobru naladu sobu!
- Termin: Dokładny termin bórze wozjewimy. Wjeselimy so přez kóždu pomoc a wobdźělenje.
Nowember: błyšćate hwězdy & předadwentne kuzło
Woblubowane adwentne hwězdy so z lětnjeje přestawki nawróća! Pjatk do prěnjeho adwenta chcemy rjanu tradiciju wožiwić a našu wěžu w dohodownej pyše zaswěčić.
- Wo ćělne derjeměće je postarane: změjemy horce wino, słódne pječwo a tež za wosebje hłódnych něšto.
- Pśiźćo mimo a wužywajśo z nami spódobnu zgromadnosć w połnem krejzu!
December: countdown běži…
Tež w poslednim měsacu lěta smy pilni! W decembru startujemy z přihotami a přizjewjenjemi za naš klětuši wulki wjeršk. Zapisajće sej termin hižo čerwjeny do protyki: 20.02.2027 budźe Šěrachowy konwent pčołkow.
Januar 2027: Zynčo do noweho lěta – přichodny kurs pčołarjenja startuje!
Nowe lěto zahajimy direktnje z nowosćemi za wšitkich fanow pčołkow: W januarje / februarje 2027 zahajimy přichodny kurs za nowačkow-pčołarjow!
Wukubłanje přewjedu čłonojo pčołarskeho towarstwa Budyšin a wokolina z.t. (Delni Sprjewiny doł). Wšojedne, hač wo swójskich pčołkach soniš abo hač chceš so hłubšo do fascinowaceho swěta pčołarstwa zanurić – pola nas dóstanješ trěbny rjemjeslniski grat za swój start!
Požadaj so wo městno a startuj z nowym dyrdomdejom 2027.
Februar 2027: Šěrachowy konwent
20.02.2027 wotměje so Šěrachowy konwent. Wjeselće so na zajimawe dohlady, fachowu wuměnu a zasowidźenje ze znatymi. Wšitke informacije wo přizjewjenju bórze slěduja.
Wjeselimy so hižo na zhromadne hodźiny, čiłe rozmołwy a žiwu zhromadnosć w Domje Šěracha. Wšitcy sće wutrobnje witani!
Měrc / jutrownik:
Nalěćo 2027: Wutwarjamy naš kołopuć Šěracha!
W nalěću startujemy z projektom„Rozšěrjenje kołopuća Šěracha“ z połnej paru do přichodneje fazy! Składnostnje posmjertnin Hadama Bohuchwała Šěracha chcemy w aprylu nowe stacije kołopuća zahajić.
Tole was wočakuje:
- Nowe wirtuelne pčólnicy: Loni su šulerki a šulerjo Lipoweje šule Budyšin tajke pčólnicy pola nas twarili. Tute maja nětko swoje městno při plantaži wišnjow Bötzmannec swójby w Budyšinku.
- Tafla k Aziskemu šeršenjej: Tema nam jara na wutrobje leži, wšako wohrožuje tuta družina pčołki mjeztym tež w Sakskej. Nowa tafla ma wobšěrnje wo Aziskim šeršenju rozprawjeć a sensibilizować.
- Wosebitosce: dóstanjemy dwě wulkotnje rězbarjenej figurje – pčołku a mjedwjedźa, kiž budu jako wosebitosce na kołopuću Šěracha stać.
Prócujemy so, zo je dypkownje w aprylu na česć Šěracha wšitko hotowe.
Zhromadnje hišće wjace docpěć:
Chceće Wy abo Waše předewzaće naš wutrobity projekt za region podpěrać? Přez sponsora abo pomocne ruki so přeco wjeselimy!
Dokładny termin, hdy rozšěrjeny kołopuć wotewrimy, wam bórze zdźělimy. Móžemy sami lědma dočakać!