Naš prěni kurs za pčołarjow-započatkarjow z 10 wobdźělnikami leži hižo trochu wróćo – z toho časa docpěje nas stajnje samsne prašenje „Hdy započina so přichodny?“
Nětko je tak daloko! Njejsmy so kóštow a prócy bojeli a so z čłonami Budyskeho pčołarskeho towarstwa a wokolina z.t./ Delni Sprjewiny doł za blido sydnyli – a hlej:
mamy nowosće!
W januarje/ februarje 2027 zarjadujemy kurs za nowačkow.
Přewjesć budźe jón Budyske pčołarske towarstwo.
Za lěpši přihot was do toho na informaciske zarjadowanje přeprošamy. Tam zhoniće wšitko wo wotběhu kursa a so hižo raz do fascinowaceho swěta pčołkow zanuriće. Dokładny termin wam bórze přeradźimy!
Maće-li hižo prašenja abo móžeće lědma dočakać,
přizjewće so pola nas abo direktnje pola pčołarskeho towarstwa:
Wjeselimy so na přichodny pčołarski dyrdomdej!
Čłonojo pčołarskeho towarstwa Budyšin a wokolina z.t. / Delni Sprjewiny doł